Innkalling til omframt årsmøte angåande nytt klubbhus 1.10.2025

Hovudstyret vil me dette kalle inn til omframt årsmøte 1.10.2025 klokka 20.00 i Vossestrand Sambygg.&nbsp;

1:&nbsp;Godkjenning av dei røysteføre medlemma

4: Val av to medlem til å signere protokollen

Styret legg fram saka og presenterer prosjekt klubbhus.

Styrets forslag til vedtak: Årsmøte i Eldar IL vedtek å bygge nytt klubbhus på Sundve og godta tilbodet frå Seimen AS.&nbsp; &nbsp;

Styrets forslag til vedtak: Årsmøte vedtek styrets forslag til finansieringsplan for bygging av klubbhus.

For å kunne ta opp lån må årsmøtet gje fullmakt til å
signere lånedokument, gjeldsbrev og pantedokument i samband med opptak av lån
til finansiering av klubbhus i påvente av utbetalingar av spelemidlar og mva.&nbsp;Fullmakta
gjeld for gjeld, og pantsetjing av gnr. 282, bnr. 14, i Voss herad for inntil
kr. 3 000 000,-

Styreleiar Isak Hommedal og kasserar Terje Hole får fullmakt til å
signere lånedokument, gjeldsbrev og pantedokument i samband med opptak av lån
til finansiering av klubbhus i påvente av utbetalingar av spelemidlar og mva.&nbsp;

Fullmakta
gjeld for gjeld, og pantsetjing av gnr. 282, bnr. 14, i Voss herad for inntil
kr. 3 000 000,-

Sak 8.3 Godkjenne innsending av spelemiddelsøknad for bygging av klubbhuset.&nbsp;

Årsmøte vedtek at det skal sendast inn spelemiddelsøknad.&nbsp;

Innkalling til omframt årsmøte

I år er det heile 63 lag påmeldt til cup og me gler oss stort til å ta i mot fleire hundre ivrige, unge fotballspelarar på sundag. Kampoppsettet finner du her, eller du kan laste ned vedlegget under.&nbsp;

Vêrmeldinga ser førebels nokså grei ut, men det er fare for litt regn på føremiddagen. Ta gjerne med campingstolar, det vil vera råd for publikum å sitje under tak om vêret skulle svikta litt.&nbsp;

Kiosken er open heile dagen og toalett finn du inne på skulen. Det er litt begrensa med parkeringsplassar, så fint om de samkøyrer til Sundve. Det er bra for miljøet også.

Fotballgruppa gler seg til å sjå akkurat deg og ditt lag i aksjon på Seimen-bana på sundag!&nbsp;

Kampoppsett til serieturnering 14/9

Hovudstyret vedtok 24.8 å utsetje omframt årsmøte 27.8. Det er ikkje noko dramatikk bak dette, men styret treng litt meir tid for å få alle detaljar på plass før me er klare til å presentere prosjektet for medlemma våre.&nbsp;

Det vart kalla inn til nytt årsmøte i løpet av hausten. Invitasjon vil bli lagt ut på heimesida og på facebook.&nbsp;

Omframt årsmøte utsett

Ein snøfattig vinter gjev ein tidleg vår og no er grasbana i Haugsvik klar for ivrige rugbyspelarar. Me tek ein liten dugnad før treninga i kveld for å setje alt i stand til ny sesong.&nbsp;

Treningstid vert 18:30 - 20.00 framover og den er open for alle aldrar.&nbsp;

Rugbytrening i Haugsvik

Rugbygruppa startar opp med treningar igjen

Framover vert det treningar på onsdagar klokka 19:00 på Sundve. Ope for alle i alle aldrar. Legg gjerne til rugbygruppa på Spond for oppdatert informasjon og arrangement. Gruppekode TRHSB (Indre Vestland rugby).

Fyrste trening vert alt i morgon, onsdag 2.4.

Bli med på rugbytrening!

BT.no sender 1.runde i Ballspark-cupen direkte frå Seimen-bana

Etter publikumsrekord og god stemning i fjor, kjem Bergens Tidende og Ballspark-gjengen no attende til Sundve. 

23.April klokka 19:30 er tida inne for nok eit cupdrama på kunstgraset. Ekstra stas er det at motstander er Fyllingen. I 1990 spelte dei NM-finale mot Rosenborg, medan det i 2025 vert 1.runde i Ballspark-Cupen mot oss. I fylgje Knut Høibraaten i BT skal dei slå oss enkelt, men cup er cup. Me skal prøva å bita godt i frå oss!

Me håpar mange tek turen den 23.April. Det vert open kiosk, sal av supportar-effektar og generelt god stemning. Litt begrensa parkeringsplassar på skulen, så me vil gjerne oppmoda om å samkøyra.&nbsp;

Cupkampen mot Fyllingen blir TV-sendt!

Årsmøte for 2024 vert halde i Sambygg klokka 1900

Opning av årsmøte for Eldar IL året 2024

Årsmøtet vil bli opna av styrets leiar Isak Hommedal. Utdeling av Hordalands-pokalen, beste gut/jente 13 år, samt utdeling av stipend.

Sak 1:&nbsp;Godkjenning av dei røysteføre medlemma

Sak 2:&nbsp;Val av dirigent

Forslag til vedtak:&nbsp;Styret foreslår Isak Hommedal som dirigent.

Sak 3:&nbsp;Val av protokollførar

Forslag til vedtak:&nbsp;Styret foreslår Lisbet Hirth som protokollførar.

Sak 4: Val av to medlem til å signere protokollen

Sak 5:&nbsp;Godkjenning av forretningsorden

Forretningsorden ligg vedlagt.

Sak 6:&nbsp;Godkjenning av innkalling

Det skal avklarast om årsmøtet godkjenner innkallinga. Innkalling vart lagt ut på eldar.no 21.1.2025 og delt på sosiale medium for å nå ut til medlemma våre.

Sak 7:&nbsp;Godkjenning av sakslista

Endeleg saksliste vart publisert 16.2.2024 på heimesida vår.

Sak 8:&nbsp;Godkjenning av styrets forslag til årsberetning

Sak 9:&nbsp;Behandle idrettslagets rekneskap, styrets økonomiske beretning og revisors beretning

Rekneskap, styrets økonomiske beretning og revisors beretning ligg vedlagt.

Sak 10.1&nbsp;Innkomen sak: Avvikling VAR i norsk fotball

Forslagstillar: Stig Anders Hauge

Forslag til vedtak: "Dersom Eldar IL skal sende ein delegat til fotballtinget så skal denne delegaten stemme for å avvikle VAR i norsk fotball.

Styrets innstilling: Hovudstyret har vedtatt Eldar skal sende ein delegat til fotballtinget. Styret ynskjer ikkje å kome med ei innstilling i VAR-spørsmål og let årsmøte få avgjere dette på fritt grunnlag.

Sak 10.2 Innkomen sak: Orientering om prosjekt klubbhus på Sundve

Forslag til vedtak: Årsmøte tek saka til orientering. Hovudstyret ynskjer å kalla inn til eit omframt årsmøte om dette når ein har eit konkret forslag klart.

Sak 11:&nbsp;Fastsetje medlemskontingent og treningsavgift

Forslag til vedtak: Styret foreslår å auke medlemskontingenten til 250kr for enkeltmedleskap og 500kr for familiemedlemskap. Styret foreslår at gruppestyrene får fullmakt til å fastsetje treningsavgift sjølve.

Sak 12:&nbsp;Vedta budsjett for 2025

Styret legg fram forslag til budsjett.

Forslag til vedtak: Årsmøte vedtar budsjett for 2025

Sak 13:&nbsp;Handsame idrettlagets organisasjonsplan

Styret legg fram forslag til organisasjonsplan.

Nokre endringar på tal styremedlem i fotballgruppa, skigruppa og rugbygruppe.

Forslag til vedtak: Årsmøte vedtar oppdatert organisasjonsplan.

Sak 14:&nbsp;Representantar til ting og møter

Forslag til vedtak: Hovudstyret får fullmakt til å oppnevne representantar til ting og møter.

Sak 15:&nbsp;Val

Innstilling frå valkomité ligg som vedlegg.

Sak 16:&nbsp;Avgjer om det skal engasjerast revisor

Styret foreslår at det ikkje vert engasjert revisor då omsetninga til Eldar IL er under 5 millionar. Kontrollutvalet får ansvaret for å revidere rekneskapen.

Møtet er gjennomført. Er det kommentarar til gjennomføring av møtet?

Sakliste og dokument til årsmøte 23.02.2025

Hovudstyret kallar me dette inn til årsmøte i Eldar IL.

Årsmøtet vert halde i Vossestrand Sambygg 23.februar 2024 klokka 19.00.

Saker som eit medlem ynskjer å behandle på årsmøtet, må sendast til hovudstyret innan 9.februar 2024 til e-post adressa: styret@eldar.no

Fullstendig sakliste med alle saksdokument vil bli gjort tilgjengeleg seinast ei veka før årsmøtet på www.eldar.no

For å ha røysterett og kunne veljast til verv må ein ha vore medlem av Eldar IL i minst ein månad, fylla minst 15 år i det kalendaråret årsmøtet vert halde, og ha gjort opp sine økonomiske forpliktelsar til Eldar IL. Alle medlem har uansett møterett, talerett og forslagsrett.

Ved spørsmål som gjelder årsmøtet, ta kontakt med leiar Isak Hommedal på tlf 91876590 eller post@eldar.no.

Hovudstyret&nbsp;&nbsp;

Innkalling til årsmøte i Eldar IL for 2024

Kontingent for 2025 er no sendt ut på mail og minidrett

Kvifor er me så tidleg ute i år?

På årsmøte i fjor vart det vedteke å endre faktureringstidspunkt til før 1.februar kvart år. Me trur det er enklare å forhalde seg til for både hovudstyret og medlemma våre.

Pris er den same som tidlegare år: 200kr for enkeltmedlemsskap og 400kr for familiemedlemskap(inntil 8 familiemedlem). På fakturaen så blir prisen delt etter kor mange familiemedlem som står oppført, men merk at det kostar det same uansett om ein er 2 eller 8 i familien. Grunna NIF-reglement så må eit medlemskap koste minimum 50kr, så om du har fleire enn 8 stk i din familie må du ta kontakt med oss.

For å administrere ditt medlemsskap i Eldar IL, må ein ha brukar i minidrett.

Har du allereie brukar kan du logge inn her:&nbsp;<a href="https://www.minidrett.no/">Minidrett-Logg inn</a>

Om du må registrere ny brukar finn du rettleiing her:&nbsp;<a href="https://www.idrettsforbundet.no/en/digital/minidrett/brukerveiledning/hvordan-opprette-profil/">MinIdrett-Ny brukar</a>

For barn under 15år er det foreldre som må registrere barnet i MinIdrett:&nbsp;<a href="https://www.idrettsforbundet.no/en/digital/minidrett/brukerveiledning/hvem-skal-ha-idrettens-id/">MinIdrett-Kven skal ha idrettens id?</a>

Er du utanlandsk statsborgar? Følg rettleiinga her:&nbsp;<a href="https://www.idrettsforbundet.no/en/digital/minidrett/brukerveiledning/utenlandsk-statsborger/">MinIdrett-Utanlandsk statsborgar</a>

Me har gjort vårt beste for å sørge for at familierelasjonane er mest mogleg korrekt, men me veit at her er det ein del feil og manglar i registeret vårt. Det kan vera at ikkje alle ungar eller føresette har kome med i familiemedlemsskapet. Dei kan ein sjølv legge til i Minidrett:&nbsp;<a href="https://www.idrettsforbundet.no/en/digital/minidrett/brukerveiledning/legg-til-barn/">MinIdrett-Legg til barn</a>. Dette gjeld for barn inntil 15år.

Om ein manglar nokon over 15år i familiemedlemsskapet, kan ein legge dei til her:&nbsp;<a href="https://www.idrettsforbundet.no/en/digital/minidrett/brukerveiledning/legg-til-familiemedlem/">MinIdrett-Legg til familiemedlem over 15år</a>

Ynskjer ein å fjerna nokon frå familiemedlemsskapet gjer ein det her:&nbsp;<a href="https://www.idrettsforbundet.no/en/digital/minidrett/brukerveiledning/fjerne-familierelasjon/">MinIdrett-Fjerne familierelasjon</a>

For familiar med t.d. skilte føresett o.l. lar me det vera opp til kvar einskild å handtere dette og organisere det slik ein sjølv ynskjer i minidrett.

Korleis melde seg inn eller ut av Eldar IL?

Eldar IL godtek inn- og utmelding i mindrett.

Innmeldingsskjema finn du her:&nbsp;<a href="https://medlemskap.nif.no/Start/Index/25331">MinIdrett-Innmelding</a>

Melder ein inn fleire familiemedlemmar, må ein gjennomføra prosessen for kvar einskild.

Hugs å huk av for alle idrettar ein er eit aktiv medlem av.

For å melde seg ut av idrettslaget eller ein av idrettane, nytttar ein denne lenka:&nbsp;<a href="https://www.idrettsforbundet.no/en/digital/minidrett/brukerveiledning/hvordan-melde-ut/">MinIdrett-Utmelding</a>

Kvifor er det viktig at alle er registrert som medlem?

Alle barn som er registrert som medlem i Eldar IL har barneidrettsforsikring:&nbsp;<a href="https://www.idrettsforbundet.no/klubbguiden/drifte-et-idrettslag/okonomi/forsikring/">Forsikring</a>. Denne er gyldig fram til den dagen barnet fyller 13 år. For dei over 13 år er det litt ulike ordningar avhengig av kva idrett dei utøver. Fotballaga har lagsforsikring f.eks, i andre idrettar må ein gjerne betale lisens for å vera forsikra i konkurranse. Felles for alle ordningar er at ein må vera medlem i idrettslaget, viss ikkje har ein ikkje noko dekning!

Eldar får kvart år utbetalt midlar avhengig av kor mange aktive medlem ein har. Eit døme på dette er lokale aktivitetsmidlar. Då er det viktig at alle aktive medlem er registrert. NIF har definert kven som er aktive eller ordinære medlem her:&nbsp;<a href="https://www.idrettsforbundet.no/digital/klubbadmin/medlem/medlemmer-og-aktive-hva-er-forskjellen/">Medlemmar og aktive - Kva er skilnaden?</a>

Me ynskjer gjerne at heile familien er registrert som medlem, sjølv om ein kanskje ikkje er eit aktivt medlem akkurat no. Me er eit 100% friviljug idrettslag og er heilt avhengig av å få foreldre til å vera trenarar, lagleiarar og styremedlem for å nevna noko. Får ein ei regelmessig rolle i laget, så må ein ha medlemsskap i Eldar.

Kvifor bør ein bli medlem av Eldar IL?

Fyrst og fremst håpar me har eit aktivitetstilbod som freistar og at du finn ein aktivitet du trivst med hjå oss. På Vossestrand er omtrent all organisert aktivitet samla i eit idrettslag. Om det er ein idrett eller aktivitet du saknar, så ta gjerne kontakt med oss på post@eldar.no, så kanskje me kan få til ei ny gruppe. Me har eit sterkt ynskje om å ha eit breitt og aktivt idrettstilbod som passar for alle.

Verdt å nevne er også denne gode avtalen me har fått med Myrkdalen Fjellheisar. Alle som er elevar på Vossestrand skule og medlem i Eldar IL får gratis sesongskort i Myrkdalen.

Har du ikkje fått tilsendt faktura for 2025?

Då er du truleg ikkje registrert som medlem hjå oss eller det er nokon andre i familien som har mottatt faktura. Det kan også vera at du er registrert med feil eller utdatert e-post adresse. Logg inn/registrer deg på minidrett for å sjekke dette.

Ta gjerne kontakt med oss på post@eldar.no om du lurar på noko! Kontaktperson er Isak Hommedal.

Viktig informasjon om medlemskonting

Me er straks klar for sesongens fyrste Eldarcup. Sjå også vedlagt manskapsliste.

14.januar – Haugsvik (kan bli flytta til Framnes)

Velkommen til Eldar Cup med start i Haugsvik (kan bli flytta til Framnes)

Det er eit lågterskel-arrangement som passar best for born frå barnehage og opp til 7.klasse. Alle er sjølvsagt velkomen.

Eldarcup 2025

Styret kallar med dette inn til ekstraordinært årsmøte i Eldar IL:

Dato: Sundag 28.april 2024 klokka 20.00

Stad: Sambygg, Myrkdalsvegen 3

Hovudstyret vedtok styremøte 7.4.2024 å kalle inn til ekstraordinært årsmøte, med bakgrunn i årsmøtevedtak 10.3.2024. 

Sak 1:&nbsp;Godkjenning av dei røysteføre medlemma

Sak 3:&nbsp;Val av protokollførar

Sak 4: Val av to medlem til å signere protokollen

Sak 5:&nbsp;Godkjenning av forretningsorden

Sak 6:&nbsp;Godkjenning av innkalling

Sak 7:&nbsp;Godkjenning av sakslista

Sak 8: Ny instruks for val av medlem til valkomiteen:

Sak 9: Val av nytt varamedlem til valkomitèen.

Sak 10: Gjennomgang av lovnorm vedtatt på årsmøte 10.3.2024

Innkalling til ekstraordinært årsmøte

Har du fotografi eller dokument som bør kome med i arkivet vårt?

Eldar IL fyller 75 år i 2024 og i samråd med Vossestrand Sogelag ynskjer me å digitalisere arkivet vårt og sikre at det vert teken vare på for komande generasjonar.

Har du fotografi, dokument eller kanskje du har nokre gamle Eldar-klede liggande? Då er me svært interessert!

Me tenkjer å laga til ein jubileumsfest til hausten, så det hadde vore kjekt om me kunne laga til ei lita utstilling også. Kanskje blir det skrive ei lagssoge også.

Om du har materiale frå før Eldar vart stifta, er det også interessant.

Ta kontakt med Isak Hommedal eller Henning Ure om du har noko.

Me ynskjer å digitalisere idrettshistorien på Vossestrand

Fantastisk oppmøte på sesongens fyrste Eldarcup i Årmotslia. Heile 49 stk stilte på startstreken i strålande sol🌞 Tusen takk til alle som tok turen👏🙏

Eldarcup 

Mannskapslister og datoar for Eldar Cup 2024

Vedlagt ligg mannskapsliste for vinterens Eldar cupar. Renn leiar må ta kontakt med sitt mannskap i god tid før rennet å fordele oppgaver i.f.t baking til kafee osv. Byting eller erstatter må skje innbyrdes.

Me gler oss til ein ny vinter med lågterskel skirenn.

For spørsmål ta kontakt med Stein-Aril Pettersen tlf: 47623500

Eldar Cup 2024

Det blir barmarkstrening kvar torsdag framover. Ståle Hirth og Magne Sørestrand vert trenarar.

Oppstart blir allereie i morgon, 19.10, påmelding på skigruppa sin Spond-konto. 

Om du ikkje er medlem i den, last ned appen Spond og bruk gruppekoden: PPSTY for å bli med. 

https://group.spond.com/PPSTY

Barmarkstrening 3.-6. klasse på Vossestrand BUS

Denne veka har 42 fotballglade born vore på Tine fotballskule hjå Eldar på Seimenbana. 

Dei har delteke på både teknikktrening, kjekke balløvinger og kampar. Fredag avslutta me med turnering og grilling, og kamp mot trenarane🥳💪⚽️ Dette var skøy!!

Været har vore bra, og humøret på topp. 

Takk til dei 5 flinke trenarane: - Ida S Almeland - Tiril Ure Totland - Ranveig Måren - Mia Ervik Opheim - Julia Ullestad

Tine- Fotballskule 2023

Eldar Jenter 14 tok ein sterk 3.plass i A-sluttspelet på Lerum cup i Sogndal i helga. Heimelaget Sogndal tok gull og Førde sylv. Eldar leia lenge 2-1 over Førde i semifinalen på Fosshaugane stadion, men måtte gje tapt siste 5 minuttar og då enda kampen 2-4 til Førde. 

Då vart det bronsefinale mot Masfjorden på banane i Hafslo. Jentene gjekk ut med god motivasjon om å vinna i sommarvarmen! Masfjorden scora fyrste målet, før Eldar utelikna. Deretter klarde Eldar å scora att rett før pausen. 5 minutt inn i andre omgang vart det dramatikk då keeperen til Eldar vart utvist etter ein litt uheldig takling og jentene måtte få inn ny keeper og spela med ein mindre på bana resten av kampen…

Dei stod i mot presset frå Masfjorden og vann til slutt 2-1. HURRA for flinke Eldar jenter som også hadde lånt 4 spelarar frå Voss for å kunne stille 9’ar lag i cupen!! Tusen takk for at Vossajentene var med oss, me har storkosa oss saman🤩

Eldar Jenter 14 tok bronse i A sluttspelet på Lerum cup i Sogndal

Eldar IL kickstartar satsinga si på E-Sport, i samarbeid med Myrkdalen Hotel og Ingvar Egdetveit. 

Fredag 2.6 1800 til Laurdag 3.6 06:00 blir det LAN på Myrkdalen hotell. Me håpar alle spelinteresserte på Strondè og Voss tek turen. Dette blir og fyrste arrangementet til E-Sport gruppa vår og er noko me gler oss stort til! 

Pakkeliste og meir informasjon får de ved å kontakte Ingvar. 

Bli med på LAN-party på fredag!

Bruk Voss Fiber-tilskotet til å støtta Eldar IL

Som ei lokal forankra bedrift har Voss Fiber eit sterkt ynskje om å bidra lokalt på Voss. Saman med våre kundar ynskjer me å støtta lokal frivilligheit, idrett og kultur, og dermed gjer me våre kundar moglegheita til å velje ein lokal organisasjon som dei ynskjer at Voss Fiber skal støtta med kr 300/år. 

Alle våre kundar med fast adresse på Voss får moglegheita til å velje ein lokal organisasjon, me vonar mange strendingar kjem til å velja Eldar IL som mottakar av Voss Fiber-tilskotet.

Meir informasjon: https://vossfiber.no/voss-fiber-tilskotet/

Kunde hjå Voss Fiber?

Onsdag 29/3 er det Telenor renn i Mikkel og Mikkeline bakken. Det koster 50 kr å delta. Alle får pølse og brus.😀

Telenorrenn i Myrkdalen 29/3

Frist for å melde inn saker til årsmøte er 14.mars

Årsmøte Eldar IL

Råsterk siger av gutelaget på heimebane

I dag hadde gutane verkeleg dagen og slo Bønes 2 med overbevisande siffer. Tre kjappe mål i starten av kampen sette standarden, men utover i fyrste omgang kom Bønes meir med i kampen. Dei vart det førande laget ut omgangen og fekk redusert to gonger til 3-2. Det var eit nervøst Eldar-lag som gjekk av bana til pause.

Ikkje veit eg kva som vart innteke eller sagt av trenarduoen Almeland/Dregelid, men det vart heilt andre takter i andre omgang. Fullt trøkk frå fyrste spark og Eldar fekk mål etter mål. Dei stogga ikkje før det stod 8-2 og ein forfjamsa Bønes-keeper var nok glad for at dommaren blas av kampen. 

Ein herleg kamp av Eldar og me gler oss til neste kamp.

Eldar 8 - Bønes 2

Trening for ALLE born og unge i Eldar.

Treningstilbod for alle i 3klasse og oppover: 

3-6 klasse: - Torsdagar kl.18- 19 i gymsalen på Oppheim skule. Kondisjon, spenst, styrke, kordinasjon og tøying. Ulike aktivitetar med kombinasjon av trening og leik, og kanskje litt ballspel... - Ta med innesko og drikkeflaska. - Fyrste treninga vert det 10 min info for foreldre om reglar, registrering av born og føresette. Ansvarlege: Magne Sørestrand og Ståle Hirth.

5 klasse og oppover: - Onsdagar Kl 18- 19.30, oppmøte ved Oppheim skule. - Barmark trening. Kondisjonstrening med langløp eller intervall. Utetrening i området rundt Oppheim, evt litt tøying inne i gymsalen til slutt. Likar du å springa eller jogga og få bedre kondis...så passar denne terningen for deg! - Ta på gode løpesko, refleks og hovudlykt. Ta med innekle/sko. Ansvarleg: Asbjørn Tveite, for dei eldste, Henning Ure, for dei yngste.

7 klasse og oppover: - Tysdagar kl 18-19.30 i gymsalen på Oppheim skule. Styrketrening og streching. Oppvarming, Sirkeltrening og ulike typar styrketrening, streching/tøying. Perfekt trening for skiløpara, rugby- og fotballspelara...og andre. - Ta med innesko, handkle til å ha på matta, drikkeflaska og 2stk, 2kg- handvekt. Ansvarleg: Alvhild Bidne.

Barn- og ungdomstrening Hausten 2022

Spinning kvar mandag kl.19- 20.30 i gymsalen på Oppheim skule. Oppstart mandag 10 okt. Ta med handkle, drikke og naboen! Velkommen til ei god økt for alle nivå.

Spinning på Oppheim skule 

Klubbkveld med gode rabattar på Oppheim skule onsdag 14.09 klokka 19:00

Eldar har inngått ein femårig utstyrsavtale med klesleverandøren Macron.  Ved å inngå ein avtale direkte med produsent og distributør, så sikrar me at våre medlem får ekstra gode prisar på kvalitetsklede og me får til ein felles uniformering på tverrs av idrettane våre.

På onsdag kickstartar me samarbeidet med Macron. Dei tek turen til Oppheim skule og der får de høve til å prøve og kjøpe den heilt nye Eldar kolleksjonen, til ekstra hyggelege prisar! Denne kvelden får me 40% på Eldar-kolleksjonen.

Det har også blitt oppretta nettbutikk: <a href="https://eldar.macron.no/klubbshop">https://eldar.macron.no/klubbshop</a> der får du alltid 30% på både Eldar-klede og heile Macron sortimentet.

Nokre av produkta du kan kjøpe på onsdag(Prisen er oppgitt med 40% rabatt) :

Macron ny utstyrsleverandør for Eldar IL

Marte, Håvard, Trym, Eirik og Emil i aksjon for Eldar rugby

Fleire Eldar utøvara i aksjon i Bergen i dag. Eldar og Marte Tveite stiller samla lag med Vik/Sogndal, medan Håvard, Trym og Eirik er klar for å spela ungdomsrugby etterpå. 1400 spelar Emil Hosås 15s kamp for Bergen mot Blindern!

Er du i Bergen, så ta gjerne turen innom Krohnsminde for ein tettpakka dag med rugby! 

Travel rugbydag i Bergen

Jenter 13 år hadde ei kjekk og sportsleg god cup helg i Ål i Hallingdal. 

Jentene vart gruppevinnarar i si gruppe, vann semifinalen med eitt mål mot Gol IL. Finalen var mot Ål IL, som enda 1-1. Då vart det loddtrekking av kven som fekk gull og fyrste plass. Ål trekte det lengste strået og vann loddtrekkinga, og dermed fekk Eldar jentene sylv. Ein flott prestasjon som var god som gull!!

Knallgod Ål cup av jenter 13 år

I morgon, laurdag 11/6 klokka 11:00 trenar me på grasbana i Haugsvik. Nye og gamle rugbyspelarar er hjarteleg velkomen. Inga aldersgrense, men ta gjerne med ein føresett eller to om du er under 13 år. 

Me satsar på å trena i Haugsvik kvar laurdag framover. Stig Anders har lovt oss at han skal klyppa graset kvar veka, så det skal vera gode forhold heile sommaren. Tysdagstreningane vert på Sundve klokka 1900 som tidlegare. 

Hovudstyret 2025