Nye VM-meistrar i tennis!

Nye Vossestrand-meistrar i tennis!

I strålande haustvêr vart det ein flott dag på tennisbana på Framnes, med stor tennisglede og mange jamne og intense kampar.

Etter 27 år utan strandameisterskap i tennis var det endeleg klart for ei ny turnering. Hilde Skjervheim gjekk til topps i kvinneklassen, medan Jon Håkon Anthun var best av karane. Me gratulerer båe Vossestrand-meistrane – eller VM-meistrane, om du vil!

Det var òg kjekt å sjå at så mange tok turen innom for å følgja kampane og slå av ein tennisprat.

Me vonar turneringa har inspirert fleire til å ta tennisbana i bruk, og at det vert mykje aktivitet på Framnes framover.

Takk til alle deltakarar og frammøtte